УЛЬТРОКС 10 мг таблетки №14

Бір таблетканың құрамында белсенді зат - 10.4140 мг кальций розувастатині (10 мг розувастатинге баламалы) немесе 20.8280 мг кальций розувастатині (20 мг розувастатинге баламалы), қосымша заттар: лактоза моногидраты, кальций карбонаты, микрокристалды целлюлоза РН 102, кросповидон (Коллидон CL), гидроксипропилцеллюлоза SSL( HPC-SSL), магний стеараты, үлбірлі қабығының құрамы: поливинил спирті және полиэтиленгликоль сополимері, коповидон (Колидон VA 64), титанның қостотығы (Е171), каолин, натрий лаурилсульфаты.

Гиперхолестеринемия емінде - ересектерде, жасөспірімдерде және 6 жастағы және одан асқан балаларда алғашқы гиперхолестеринемияда (отбасылық гетерозиготалы гиперхолестеринемия қоса ІІа типі) немесе аралас дислипидемияда (IIb типі) диета және басқа дәрі-дәрмектік емес емдеу әдістері (мысалы, дене жаттығулары, дене салмағын түсіру) жеткіліксіз болған кезде диетаға қосымша ретінде - ересектерде, жасөспірімдерде және 6 жастағы және одан асқан балаларда отбасылық гомозиготалы гиперхолестеринемияда диетаға және липид төмендететін басқа да емге (мысалы, ТТЛП-аферез) қосымша ретінде немесе осындай ем пациентке сай келмеген жағдайларда Жүрек-қантамыр ауруларының профилактикасында - басқа қауіп факторларын түзетуге/емдеуге қосымша ретінде жүрек-қантамыр оқиғаларының туындау қаупі жоғары ересек пациенттерде жүрек-қантамыр асқынуларының профилактикасында.

- әсер етуші затқа немесе қосымша заттарының кез келгеніне аса жоғары сезімталдық - трансаминазалардың сарысулық белсенділігінің тұрақты жоғарылауын және қан сарысуындағы трансаминазалар белсенділігінің кез келген жоғарылауын (жоғарғы қалып шегімен салыстырғанда 3 еседен көп) қоса, бауырдың белсенді фазадағы ауруларында - бүйрек функциясының айқын бұзылулары (креатинин клиренсі 30 мл/мин аз) - миопатиялар - софосбувирді/велпатасвирді/воксилапревирді бір мезгілде қабылдау - циклоспоринді бір мезгілде қабылдау - жүктілік және бала емізу кезеңі, контрацепцияның талапқа сай әдістері болмаған кезде - тұқым қуалайтын галактоза көтере алмаушылығы, немесе Lapp (ЛАПП)-лактаза ферментінің тапшылығы, глюкоза-галактоза мальабсорбциясы бар адамдар 40 мг дозасы үшін: келесідегідей миопатияның және рабдомиолиздің дамуына бейімділік факторлары бар адамдарға қарсы көрсетілген - ауырлығы орташа дәрежелі бүйрек жеткіліксіздігі (креатинин клиренсі 60 мл/мин аз) - гипотиреоз - анамнезінде бұлшықет аурулары, бұлышқеттің туа біткен бұзылыстарына жеке немесе генетикалық бейімділік - анамнезінде ГМГ-КоА-редуктазаның басқа тежегіштерін немесе фибраттар қабылдау аясындағы миоуыттылық - розувастатиннің плазмалық концентрациясының артуына алып келетін жай-күйлер - фибраттарды бір мезгілде қабылдау - азиялық нәсілдегі пациенттер - алкогольді шамадан тыс тұтыну

Препарат дозасы емнің мақсатына және емдеуге берілетін жауапқа қарай әркімге жеке таңдалуы тиіс. Гиперхолестеринемияны емдеу Препарат қабылдай бастаған пациенттер үшін немесе ГМГ-КоА редуктазаның басқа тежегіштерін қабылдаудан көшірілген пациенттер үшін УЛЬТРОКС® препаратының ұсынылатын бастапқы дозасы тәулігіне 1 рет 5 немесе 10 мг-ны құрауы тиіс. Бастапқы дозаны таңдағанда холестерин мөлшерінің деңгейін басшылыққа және жүрек-қантамырлық асқынулардың болжамды қаупін назарға алып, сонымен қатар жағымсыз әсерлердің потенциалды даму қаупін бағалау қажет. Қажет болған жағдайда дозаны препаратты 4 апта қабылдағаннан кейін арттыруға болады. Препарат дозасын біртіндеп арттыру керек. 40 мг дозасын қабылдаған кезде жағымсыз әсерлердің дамуы мүмкін екеніне орай, дозаны ең жоғары 40 мг-ге дейін арттыру гиперхолестеринемиясы ауыр және жүрек-қантамырлық асқынулар қаупі жоғары (әсіресе, отбасылық гиперхолестеринемиясы бар пациенттерде), 20 мг дозасын қабылдағанда қалаулы емдік нәтижеге жетпеген пациенттерге ғана қарастыруға болады. Препаратты 40 мг дозасында алатын пациенттерді бақылау ұсынылады. Жүрек-қантамыр ауруының даму қаупі жоғары ересек пациенттерде қосымша ем ретінде жүрек-қантамырлық асқынулардың профилактикасы      Ұсынылатын доза - тәулігіне бір рет 20 мг. Бұрын препаратты қабылдамаған пациенттерге 40 мг дозаны тағайындау ұсынылмайды. 2-4 апталық емнен кейін және/немесе УЛЬТРОКС® дозасын арттырғанда липидтік алмасу көрсеткіштерін бақылау қажет (қажет болса, дозаны реттеу талап етіледі). Пациенттердің ерекше топтары Бала жасындағы пациенттер Балаларда тек дәрігердің бақылауымен қолдануға болады. 6 жастан 17 жасқа дейінгі балалар мен жасөспірімдер (Таннер шкаласы < II–V) Отбасылық гетерозиготалы гиперхолестеринемия Отбасылық гетерозиготалы гиперхолестеринемиясы бар балалар мен жасөспірімдер үшін стандартты бастапқы доза 5 мг-ны құрайды. - 6 жастан 9 жасқа дейінгі, отбасылық гетерозиготалы гиперхолестеринемиясы бар балаларда стандартты доза ішке күніне бір рет 5–10 мг-ны құрайды. 10 мг-ден астам дозалардың тиімділігі мен қауіпсіздігі пациенттердің бұл тобында зерттелген жоқ. - 10 жастан 17 жасқа дейінгі, отбасылық гетерозиготалы гиперхолестеринемиясы бар балаларда стандартты доза ішке күніне бір рет 5–20 мг-ны құрайды. 20 мг-ден астам дозалардың тиімділігі мен қауіпсіздігі пациенттердің бұл тобында зерттелген жоқ. Титрлеуді емдеу жөніндегі ұсыныстарға сәйкес бала жастағы пациенттердің емге қайтарылатын жеке жауабына және көтеру қабілетіне қарай жүргізу керек. Балалар мен жасөспірімдер розувастатинді қабылдай бастағанға дейін және ем кезінде стандартты гипохолестеринемиялық диетаны ұстануы тиіс. Отбасылық гомозиготалы гиперхолестеринемия 6 жастан 17 жасқа дейінгі, отбасылық гомозиготалы гиперхолестеринемиясы бар балалар мен жасөспірімдер үшін ұсынылған ең жоғары доза ішке күніне бір рет 20 мг-ны құрайды. Ұсынылған бастапқы доза жас шамасына, дене салмағына және бұның алдында статиндерді қабылдауына қарай күніне бір рет 5–10 мг-ды құрайды. Күніне бір рет ең жоғары 20 мг дозасына дейін титрлеуді емдеуге қайтарылатын жеке жауапқа және бала жасындағы пациенттердің көтеру қабілетіне сәйкес жүргізу керек. Балалар мен жасөспірімдер розувастатинді қабылдай бастағанға дейін және розувастатинмен ем кезінде стандартты гипохолестеринемиялық диета ұстануы тиіс. Розувастатиннің 20 мг-ден басқа дозаларын қолдану тәжірибесі бұл популяцияда шектеулі. 6 жасқа толмаған балалар 6 жасқа толмаған балаларда қауіпсіздігі мен тиімділігіне зерттеу жүргізілген жоқ, осыған орай, УЛЬТРОКС® препараты 6 жасқа толмаған балаларда қабылдауға ұсынылмайды. Егде жастағы пациенттер Дозаны түзету қажет емес. 70 жастан асқан пациенттерге препараттың бастапқы дозасы 5 мг ұсынылады. Бүйрек жеткіліксіздігі бар пациенттер Ауырлығы жеңіл немесе орташа дәрежелі бүйрек жеткіліксіздігі бар пациенттерде дозаны реттеу қажет емес, препараттың бастапқы ұсынылатын дозасы – 5 мг. Бүйрек функциясы орташа бұзылған пациенттерге (креатинин клиренсі 60 мл/мин аз) препараттың 40 мг дозасын қолданудың қарсы көрсетілімі бар. Бүйрек функциясының жеткіліксіздігі айқын пациенттерге (креатинин клиренсі 30 мл/мин аз) УЛЬТРОКС® препаратын қолданудың қарсы көрсетілімі бар. Бауыр жеткіліксіздігі бар пациенттер Чайльд-Пью шкаласы бойынша 7 баллдан жоғары субъектілерде розувастатиннің жүйелік әсері байқалған жоқ. Алайда Чайльд-Пью шкаласы бойынша 8 және 9 баллдан жоғары субъектілерде жоғары жүйелік әсері байқалған. Пациенттердің осы тобы үшін бүйрек функциясының бағалауы жүргізілуі керек. Чайльд-Пью шкаласы бойынша 9 баллдан жоғары пациенттерде препаратты қолдану тәжірибесі жоқ. УЛЬТРОКС® препаратының белсенді сатыдағы бауыр ауруы бар пациенттерге қарсы көрсетілімі бар. Ерекше популяциялар. Этникалық топтар Жоғары жүйелік әсер азиялық нәсілді пациенттерде байқалған. Азиялық нәсілді пациенттерге ұсынылатын бастапқы дозасы 5 мг-ны құрайды. 40 мг дозасын осы пациенттер тобына қолдануға болмайды. Генетикалық полиморфизмдер SLCO1B1 (OATP1B1) c.521CC және ABCG2 c.421AA генотиптері бар пациенттер, SLCO1B1 c.521TT және ABCG2 c.421CC-пен салыстырғанда, розувастатин (СКМ) әсерінің артуымен байланысты болады. Генотиптері c.521CC немесе c.421AA пациенттерге УЛЬТРОКС® препаратын ең төмен күнделікті дозада күніне 1 рет қабылдау ұсынылады. Миопатияға бейім пациенттер Миопатияның дамуына бейім факторлары бар пациенттерге препаратты 40 мг дозада тағайындаудың қарсы көрсетілімі бар. Осы топ пациенттеріне ұсынылатын бастапқы доза 5 мг-ны құрайды. Қатарлас емдеу Розувастатин түрлі тасымалдағыш ақуыздардың (мысалы, OATP1B1 және BCRP) субстраты болып табылады. Миопатияның (рабдомиолизді қоса) даму қаупі УЛЬТРОКС® препаратын тасымалдағыш ақуыздармен өзара әрекеттесу салдарынан қан плазмасындағы розувастатин мөлшерін арттыра алатын дәрілік препараттармен (солардың ішінде циклоспорин және протеаза тежегіштері, ритонавир мен атазанавир, лопинавир және/немесе типанавир біріктірілімдерін қоса) бірге қабылдаған кезде жоғарылайды. Мүмкіндігінше, балама препараттарды қолдануды немесе УЛЬТРОКС® препаратымен емді уақытша тоқтатуды қарастырған жөн. Осы дәрілік препараттарды УЛЬТРОКС® препаратымен бірге қабылдау сөзсіз орындалуға тиіс болса, осылай бірге емдеудің пайдасы мен қаупін және дозаның түзетілуін тиянақты бағалау қажет. Енгізу әдісі мен жолы Ішке, таблетканы шайнамай және ұсақтамай, сумен ішіп, бүтіндей жұту керек. Ас ішуге байланыссыз тағайындала береді.