ГИНО-ТАРДИФЕРОН 80 мг №30 табл

Бір таблетканың құрамында белсенді заттар: 80.00 мг темір (247.25 мг темірдің сульфаты түрінде), 0.35 мг фолий қышқылы (қабықтың құрамында) қосымша заттар: мальтодекстрин, микрокристалды целлюлоза, аммоний метакрилатының В типті дисперсиялық сополимері, аммоний метакрилатының А типті дисперсиялық сополимері, тальк, триэтилцитрат, глицерол дибегенаты, қабықтың құрамы: Sepifilm LP010٭, титанның қостотығы (Е171), темірдің қызыл тотығы (Е172), темірдің сары тотығы (Е172), триэтилцитрат * Sepifilm LP010 құрамы: гипромеллоза, микрокристалды целлюлоза, стеарин қышқылы

- жүкті әйелдерде темір мен фолий қышқылының тапшылығын алдын алу және емдеу

- белсенді заттарға немесе қосымша заттардың кез келгеніне аса жоғары сезімталдық - темірдің жинақталуы (гемохроматоз, сидеробласты анемия (сидероахрестикалық), жиі қан құю, созылмалы гемолиз), темірді қосудағы қиындықтар (қорғасынмен уланудан туындаған анемия, талассемия, кеш тері порфириясы), темір тапшылығынан басқа себептерден туындаған анемия (мысалы, рефрактерлік анемия, сүйек кемігінің жеткіліксіздігінен туындаған анемия) - темірдің расталған жақпаушылығы (мысалы, асқазан-ішек жолының ауыр қабыну аурулары) - бауыр мен бүйрек функциясының ауыр бұзылулары В12 дәруменінің тапшылығымен байланысты мегалобластық анемия - 18 жасқа дейінгі балалар мен жасөспірімдер

Темір мен фолий қышқылының жетіспеушілігінің алдын алу, жүктілік кезінде орташа анемияны емдеу – тәулігіне 1 таблеткадан жүктіліктің соңғы екі триместрінде (немесе 4-ші айдан бастап). Енгізу әдісі мен жолы Пероральді жолы Таблетканы тұтастай жұту керек. Таблетканы соруға, шайнауға немесе ауызда ұстауға болмайды. Асқазан-ішек жолына жағушылығына байланысты тамақтанар алдында немесе тамақтану кезінде үлкен стақан сумен ішіңіз ("Басқа дәрілік заттармен және тағаммен өзара әрекеттесу" және "Ерекше ескертулер" бөлімдерінде көрсетілген кейбір тағамдарды қоспағанда). Емдеу ұзақтығы Темір тапшылықты анемияны емдеу: Емдеу ұзақтығы анемияны түзету және темір қорларын қалпына келтіру үшін жеткілікті болуы тиіс. Емдеу кем дегенде 3-6 айға созылуы мүмкін және дәрігермен кеңескеннен кейін ұзартылуы мүмкін. Жүктілік кезінде темір мен фолий қышқылының жетіспеушілігін профилактикалық емдеу үшін: жүктіліктің соңғы екі триместрінде (немесе 4 айдан бастап). Артық дозаланған жағдайда қабылданатын шаралар Препараттың ұсынылған дозаларын қабылдау Гино-Тардиферонның артық дозалануына әкелмейді. Темір тұздарының артық дозалануы, әсіресе балаларда, жаппай қабылдау нәтижесінде пайда болған жағдайлар туралы хабарланды. Егер сіз Тардиферонды тым көп қабылдаған болсаңыз, дұрыс емделу үшін дереу дәрігерге немесе жақын жердегі кезек күттірмейтін жәрдем бөлмесіне баруыңыз керек, әсіресе балалар. Темірдің артық дозалану белгілеріне мыналар жатады: - Асқазан-ішек жолдарының қатты тітіркенуі, бұл ас қорыту тіндерінің өлуіне әкелуі мүмкін (ас қорыту жолдарының шырышты қабығының некрозы). Негізгі симптомдары: іштің ауыруы, жүрек айнуы, құсу (кейде қанмен) және диарея (кейде қара нәжіспен). - Бұл метаболизмдік ацидоз және шокпен бірге жүруі мүмкін. Негізгі симптомдары: тез тыныс алу немесе ентігу, жүрек соғу жиілігінің жоғарылауы, бас ауыруы, сананың шатасуы, ұйқышылдық, шаршау, тәбеттің төмендеуі, іштің ауыруы, құсу және артериялық қысымның тез төмендеуі, бұл құрысулармен (құрысулар комасы) сананың шатасуына дейін жетуі мүмкін. - Бүйректің нашар жұмысының белгілері (несеп көлемінің айтарлықтай төмендеуі) және бауыр (іштің жоғарғы оң жағындағы ауырсыну, терінің немесе көздің сарғаюы, несептдің қараюы). Ас қорытудың ұзақ мерзімді салдары ас қорыту жолдарының тарылуына байланысты болуы мүмкін (ас қорыту стенозы), ол жүрек айнуымен, іштің кебуімен, іш қатумен және іштің созылуымен сипатталуы мүмкін. Артық дозалану белгілеріне іштің ауыруы, жүрек айнуы, құсу, диареямен қатар жүретін асқазан-ішек тітіркенуінің симптомдары жатады; кейінгі бауыр немесе бүйрек жеткіліксіздігімен жүрек-қантамырлық шок немесе метаболизмдік ацидоз жағдайы симптомдары (жиі немесе қысқа тыныс алу, жүректің жиі қағуы, бас ауыруы, сананың шатасуы, ұйқышылдық, шаршау, тәбеттің болмауы, құсу). Емі Емдеуді асқазанды натрий бикарбонатының 1 пайыздық ерітіндісімен жуу арқылы мүмкіндігінше тезірек бастау керек. Сарысулық темір концентрациясына байланысты хелаттаушы дәріні пайдалану ұсынылуы мүмкін, олардың ішіндегі ең спецификалық дефероксамин болып табылады. Шок, сусыздану және қышқыл-сілтілі теңгерімсіздік стандартты емдеу әдістері пайдаланып емделеді. Препараттың бір немесе бірнеше дозасын өткізіп алған кезде қажетті шаралар Егер сіз таблетканы әдеттегі уақытта қабылдауды ұмытып қалсаңыз, оны есіңізге түскен бойда қабылдаңыз, бірақ егер келесі дозаның уақыты келіп қалса, ұмытып кеткен дозаны қабылдамай, келесі таблетканы әдеттегідей қабылдаңыз. Гино-Тардиферонды дәрігер тағайындауы бойынша пайдалану керек. Терапияны мерзімінен бұрын тоқтатқаннан кейін бұзылыс қайталануы мүмкін.